કવિતા

***

હું જાણું છું .

તું આજે પણ મારી લથપથ કવિતાને

સાવ નિર્લેપભાવે વાંચીને

ગડી વાળીને મૂકી દેતો હોઈશ બાજુ પર

એક કોરે !

ને છતાંય

આજે પણ હું તારા વિષે લખ્યા કરું છું

કવિતા ...!

ને એજ ઉત્સાહના ઉન્માદથી

જ્યારે તને મળીને

આપતી હતી કવિતા હાથોહાથ

-ત્યારે

તારા હાથના સ્પર્શથી થતા રોમાંચને આજે

પણ

કર્યા કરુછું યાદ ...

ને ફરી પાછું

મારું ભીન્જાયેલું મન

રચવા લાગે છે કવિતા તારા વિષે !

-કે જ્યારે

હું જાણું છું કે

તું આજે પણ

મારી આ લથબથ કવિતાને

મૂકી દેતો હોઈશ

એક કોરે !!

***

વાચકો ને નમ્ર વિનંતી કે આ પોસ્ટ મારી પોતાની "કૃતિ" ન માની લેશો.

કારણ કે..

"ગમતું મળ્યું તો અલ્યા ગુંજે નાં ભરીયે, ગમતાનો કરીએ ગુલાલ..." 

એટલે જ 

ફેસબુક પરથી જે કાઈ "ગમતું" મળ્યું એનો આપ સૌ સાથે "ગુલાલ" કરું છું.

ફેસબુક પર થી સાભાર.